زبانحال حضرت رباب -رحیم شایان
سه شنبه, ۲۶ مرداد ۱۳۹۵، ۰۳:۳۰ ب.ظ
زبانحال حضرت رباب شاعر:رحیم شایان
چشمه اشگیم اوغول وار نه قدر عمر آخاجاق
نسگلین قلبیمی هم یاندیراجاق هم یاخاجاق
نه قدر بوش بیشیگه غصه لی مادر باخاجاق
آناوین دردینه دنیاده نه دور چاره اوغول
پرپر اولماقین ایدیبدیر منی بیچاره اوغول
عالمین نیسگیلی بو حال خرابیمده منیم
آنالار داغی بوتون قلب کبابیمده منیم
گوءره سن حق نه یازیپ غملی کتابیمده منیم
که فراقینده گرک دایمی محنتده یانام
گون قاباقینده بوتون آهیله حسرتده یانام
صبحیدن شامه کیمی بوش بیشیگی سیلکه لرم
گوزومون قان یاشینی دامنه اوغلوم الرم
بالاسی اوخلانان آهو کیمی منده ملرم
یانیرام دایمی من سوزش آهیلن علی
اوخلیوبلار سنی آیا نه گناهیلن علی
گیدرم هوشه گلیرسن یوخوما گورسه نیسن
کربلا ده گوره رم هرده ن اوغول قان امیسن
بیشیگینده بیله فکر ایلیرم ترپه نیسن
دیسگینیپ تیز یوخودان سسلیرم لای لای علی
گوره رم بوشدی یرین هی دییرم ای وای علی
گاه گوررم که ووربلار باشیوی نوک نیه
یا گتورمیشلر اونی شامیده بیر بزم میه
آناوین دردینی حاشا بیری ادراک اءلیه
شیرخواری اوءلنه رسمیدی رافت ایده لر
گوز ایوینده نه که قاتللر ایله سان گیده لر
گاه گوررم دیل آچیپسان دانیشیرسان منیلن
یا قوجاقدا دانیشیرسان داش اورک دشمنیلن
حرمله! گول بوغازین نسبتی نه؟ آهنیلن؟
اوچ پر اوخ شیری ییخان یرده منی گور نیلر''
خالقیم عالم عقباده سنی گور نیلر
اورگیم اودلانوری عمه وی هر گوردوقجه
پوءزولور حالیم اونی حالی کدر گوردوقجه
رشته جانیم اسور بیر سود امر گوردوقجه
او سود امدیگجه اورکدن من اوغول قان اوتارام
خلوتیمده سنه بیر ماتم دیگر دوتارام
وار شکیبامون اگرچه آجیسی زجری اوغول
عیبی یوخ تیره شبین وار سحری فجری اوغول
روز محشر بیلینر بو عملین اجری اوغول
اوندا بیز مادحیوه لطف فراوان ایدروخ
شاعرخونجگره خدمت،شایان، ایدروخ
سلام
نماز مومنه معراج عرش اعلادی
نماز ادبله اولا چشمه مصفادی
او کس کی بش سری هر گون دوشه بو چشمه لره
او هر پلیدی و ناپاکیدن مبرادی
کیمین نمازی قبول اولسا اولماسین نگران
هامی عمللری مقبول حق تعالادی
نماز اول وقت و نماز آخر وقت
حدیث وار اله بیر آخرت و دنیادی
جماعتیله نمازی قیلان جماعتلر
نماز لاریندا ثواب شهید پیدادی
گلنده جمعه نمازی تجارتی اوتورون
عقلی تاجره جمعه نمازی اولادی
زمانی ذهنیده قیتر یتیرسین عاشورا
بو گونده شاه شهیدین پیامی گویادی
سالیب امامی ۳۰ مین نفر محاصریه
بو لشکرین آراسی اهل بیت طاهادی
.....
او کس کی سسلیری هل من معین ینصرنی
علینین اوغلی حسین نور چشم زهرادی
.......
گویه باخاندا فقط اوخ یاغیر یاغیش یرینه
یر اوسته یول گدیسن خار و سنگ خارادی
بیری آت اوسته گدیر پیکری عباده گلیر
بدن مقطع الاعضا و اربا اربادی
سئوال ادنده گناهی ندور بو سود امرین
سه شعبه اوخد جوابی عجب معمادی
فراتیده سوساتان جوت قولا ساتیر سویونی
گینه ده چانه وورور قصدی چشم سقادی
یتیشدی گون وسطه اولدی ظهر عاشورا
سو وایی عرشه چاتیر خیمه لرده غوغادی
ابو اثامه صیداوی عرض ادیبدی حسین
زمان ذکر خدای علی و اعلادی
اگر عظیمدی شهادت سنون رکابینده
نماز آخری قیلماخ سنیله عظمادی
امام بویوردی کی الله نماز قیلانلاردان
سنی حساب السین کی نماز اولادی
فقال انی احب الصلاه فی عمری
حسین نمازینه چوخ عشقی واردی شیدادی
اوجالدی نغمه تکبیری اوخلار آلتیندا
کی اللهین آدی هر ماسوادن اعلادی
حسین قتالیدن ال چکدی بیر نمازه گوره
حسینه بی نمازین آغلاماغی بی جادی
الهی بیزلری اهل نماز و منبر اله
نمازین اهلی کی اولدوخ فدای رهبر اله