دوشموشم مدتدی بر درده دوا مشتاقیم
غصه دن خشکیده نی تک بیر نوا مشتاقیم
مجلس غمده وجودیم آز قالور پامال اولا
بیر محل با صفا و خوش هوا مشتاقیم
یتموری دامان وصل یاره پا لنگم الیم
عرض حال ایتماقلیقا باد صبا مشتاقیم
آختارور پروانه شمعی بلبل شیدا گلی
من طواف مرقد موسی الرضا مشتاقیم
بیر جماعت حسرت جنتله گوز یاشی توکر
من خدا عالمدی ایوان طلا مشتاقیم
باغریمی مدتدی سم عشقیله قان ایتمشم
ظلمیله مسموم اولان بیر پیشوا مشتاقیم
سر فراز اولام قویام یوز یرده پائین پائینه
پیش رو بالای سر پائین پا مشتاقیم
آرزومندم دورام بالای سرده عرض ایدم
ای قتیل زهر کین سندن عطا مشتاقیم
ایسته درگاه خدادن ایلسون قسمت منه
جدوین قبرین که هر صبح و مسا مشتاقیم
ایتمرم بر عمردور فردوس اعلا حسرتین
بیر فراته تشنه ام بر کربلا مشتاقیم
روز و شب ویردیم حسین ذکریم حسین فکریم حسین
من حسین بیماریم خاک شفا مشتاقیم
اوچ وجود نازنینون بر مقدس بقعه ده
حسرت پابوسیم من ای خدا مشتاقیم
شانی اکبر آدی اصغر بستری شه سینه سی
کوکب صبح شرف اول مه لقا مشتاقیم
آلتی گوشه بیر مزار پاکه دنیاده سبب
اکبر شهزاده گلگون قبا مشتاقیم
خیمه گاهین عشقی صبریم خیمه سین تاراج ایدوب
بیر حنالی خیمه ده نو کدخدا مشتاقیم
روضه باب الحوائج حضرت عباسیده
دوتماقا بر جمعیلن بزم عزا مشتاقیم
بسدی بر دفعه بویورسا نوکریمدور بو شهاب
الی ایلدور نوکرم بر بو ندا مشتاقیم
مرحوم شهاب
