حضرت علی اکبر(صادقی)
ای مظهر رسول خدای جهان اوغول
وی آفتاب عمرومه هفت آسمان اوغول
یدّی قدم جنازون اوسته سورونموشم
تا یتموشم بو گل بدنه نیمه جان اوغول
ای عمرومون دادی گوزومون نوری آچ گوزون
جان اوستیم گولور منه بو کوفیان اوغول
تاپشورموشام که قبریدده بیر یاتاخ علی
سنسیز دوزنمرم بولوسن مهربان اوغول
زلفونده تک به تک دوزولن قانه آغلارام
بیر گلشن اولموسان که ووروبدی خزان اوغول
آیری شهیده سالمامیشام من عبا یره
گل تک داغیلموسان نئلسون باغبان اوغول
یغسامدا من عبایه سنی حمل ائدنمرم
عبّاسی سسلرم گله ای نوجوان اوغول
بو یاتماقون منیم گونومی چکدی مغربه
دور وئر غروب عمرومه بیرده اذان اوغول
سس وئر داریخمیشام منی قویما شماتته
دشمن گولور دانیش منیله خوش بیان اوغول
صبر امامتیله هله من دوزنمورم
وای لیلیه نئجه دوزجاقدور آنان اوغول
گوزلور یولون رقیّه باجون یاتما دور گئداخ
قیزلار تیکوب گوزون یولوا ناگران اوغول
- ۹۵/۰۱/۰۲